Tere, a nosa compañeira de Sexto, e unha das representantes do noso colexio no Consello Municipal da Infancia e da Adolescencia de Redondela, foi unha das elixidas, por sorteo, para participar nunha visita ao Parlamento de Galicia.
Ela contánolo coas súas palabras:
O 10 DE DECEMBRO CELEBRAMOS O DÍA DOS DEREITOS HUMANOS. O ALUMNADO DE VALORES DE SEXTO RECOMPILOU OS MESMOS, TRINTA EN TOTAL, LÉMOLOS E FIXEMOS UN MURAL REFLECTINDO AQUELES QUE LLES PARECÍAN MÁIS IMPORTANTES A ELES.
O xoves, 16 de decembro, visitounos SIMONA, a COCA de REDONDELA, acompañada de Paxes Reais, para recoller as cartas nas que escribimos, en galego, os nosos desexos aos Reis Magos.
A parte dos agasallos materiais pedímoslle axuda para conseguir Paz e Saúde nestes momentos especiais.
O 3 de decembro celébrase o "DÍA DA DIVERSIDADE FUNCIONAL" e, claro está, non podiamos deixar pasar o día sen facer algún acto recordando a data no noso cole.
5º e 6º participamos nas actividades propostas a nivel de centro e, así,o alumnado buscou información, nas súas casas, sobre distintas terapias realizadas con animais para axudar á xente que ten algunha discapacidade, a partir de enlaces de Internet proporcionados polo Departamento de Orientación.
A información seleccionada foi escrita nun modelos de Ficha que se proporcionou e que debía ir acompañado por unha foto.
Con todas as fichas, completamos un Mural no recibidor do colexio que logo fomos visitar por cursos. Había una información moi variada e completa de todo tipo de terapias.
O alumnado de 6º, en Valores, pintou e recortou unha plantilla de "ELMER", un elefante protagonista dunha morea de contos infantis, que reivindica o seu dereito a ser diferente.
"DISTINTOS, PERO IGUAIS EN DEREITOS"
Un ano máis temos que lembrarnos desta data no noso colexio, xa que seguen a darse múltiples casos de todo tipo de violencia contra as mulleres.
Levamos unha cifra alarmante e dolorosa de asasiñadas polos seus maridos ou ex-maridos; parellas ou ex-parellas ou por descoñecidos que nos respectan os dereitos das mulleres.
Nas clases de 5º e 6º reflexionamos sobre estes feitos e abordamos a necesidade do respecto e da igualdade. Todos xuntos, nenos e nenas, queremos un futuro sen violencia machista.
5º e 6º participamos nas actividades do colexio: Escribimos os nomes de mulleres asasiñadas en lazos lilas para logo colgalos da verxa do cole; plantamos pensamentos, tamén lilas no seu honor, lemos un Manifesto...
O 20 DE NOVEMBRO CELÉBRASE O "DÍA UNIVERSAL DA INFANCIA" E O ALUMNADO DE SEXTO, EN
VALORES, ESTIVO INVESTIGANDO SOBRE OS DEREITOS DA INFANCIA PARA ELABORAR UN MURAL QUE COLOCAMOS NA ENTRADA DA NOSA AULA, NO CORREDOR. ESTES SON OS DEREITOS RECOLLIDOS:
1.- A UNHA FAMILIA.
2.- A UNHA BOA EDUCACIÓN.
3.- A VIVIR SEN DISCRIMINACIÓN.
4.- A NON SUFRIR MALTRATO.
5.- A XOGAR.
6.- A CRECER EN LIBERDADE.
7.- Á SAÚDE
8.- A SER ESCOITADOS.
9.- A NON SER MANIPULADOS.
10.- A UNHA IDENTIDADE.
O MARTES 23 DE NOVEMBRO DE 2.021 FIXEMOS UNHA VISITA MOI INTERESANTE ÁS DEPENDENCIAS DO CONCELLO. ERA A PRIMEIRA EXCURSIÓN EN MOITO TEMPO!!!
NO MULTIUSOS DA XUNQUEIRA UNHA CONCELLEIRA DEUNOS INFORMACIÓN DE REDONDELA: AS PARROQUIAS, FESTAS E CELEBRACIÓNS CULTURAIS, EDIFICIOS EMBLEMÁTICOS...
LOGO, NA SEDE DO CONCELLO, RECIBIUNOS A ALCALDESA QUE FOI SAUDANDO UN POR UN.
O INTERVENTOR CONTOUNOS CANTO DIÑEIRO CUSTABA O MOBILIARIO URBANO: BANCOS, PAPELEIRAS, CONTEDORES DE LIXO... E QUE TIÑA QUE PAGAR O CONCELLO PARA REPOÑELOS CANDO HABÍA ACTOS DE VANDALISMO. QUEDAMOS SORPRENDIDOS, XA QUE CO DIÑEIRO DESTINADO A ESTES ARRANXOS PODERÍANSE FACER COUSAS NOVAS.
E QUEDOUNOS CLARO QUE O DIÑEIRO SAE DOS IMPOSTOS DE TODOS/AS OS QUE TRABALLAMOS, INCLUÍDOS OS PAIS E NAIS DO NOSO ALUMNADO.
VIÑEMOS MOI CONTENTOS CO BEN QUE NOS TRATARON E ADEMAIS DÉRONNOS UNHA BONITA BOLSA DO CONCELLO!!!
O 14 de novembro é o Día da Diabete. Para achegarnos ao coñecemento desta enfermidade visitounos no colexio Elisa, da Asociación ANEDIA, acompañada da mascota da súa filla, Alexandra, que padece esta doenza.
5º e 6º asistimos a unha charla moi interesante na que Elisa nos explicou como o seu can "Sweet" axuda a detectar a glucemia, as súas subidas ou baixadas, e así pode axudar inmediatamente a pór remedio ao problema médico da súa filla.
Resultou ser unha actividade moi interesante da que aprendemos moito.
DE QUE GRAN AXUDA PODEN SER OS ANIMAIS!!!
