AULA ABALAR: noviembre 2013

19 noviembre 2013

DÍA DOS DEREITOS DO NENO, 20 DE NOVEMBRO

A Convención sobre os Dereitos do Neno ten 54 artigos, que describen os dereitos de todos os menores de idade e piden aos países que poñan os medios necesarios para que se cumpran. Chegar a eses 54 artigos non foi doado e moitos expertos de todo o mundo traballaron durante anos para elaborar a Convención. A Convención é o tratado con máis apoio internacional: só Estados Unidos e Somalia non son Estados parte da Convención .

PREME NA IMAXE

Neste ano, 2013, a Convención cumpre 8766 días. (dende 1989)

Cada día lembra o compromiso da humanidade para que ningún neno, nena ou adolescente se vexa privado dos seus dereitos coma a supervivencia, a educación ou a protección.

10 noviembre 2013

IV DÍA DA CIENCIA EN GALEGO

QUE É CIENCIA?

Con motivo da celebración do IV Día da Ciencia en Galego o vindeiro martes 12 de novembro, a Coordinadora Galega de ENDL convida a todos os centros educativos non universitarios a participar en dúas videoconferencias vía web, na que destacados investigadores galegos da Universidade de Santiago de Compostela achegarán temáticas de interese curricular para o noso alumnado e os proxectos científicos que desenvolven na actualidade. Ademais de seguir a videoconferencia, os centros escolares que desexen participar terán a posibilidade de interaccionar con eles vía chat a través dunha sala virtual de fácil manexo.

VIDEOCONFERENCIA PARA PRIMARIA

Título: Benqueridos insectos.

Relatora: Marilar Aleixandre. Doutora en Bioloxía. Catedrática de Ciencias Naturais de Ensino Medio. Catedrática de Didáctica das Ciencias na Universidade de Santiago de Compostela. Autora dunha extensa e premiada obra narrativa e poética.
Páxina web: http://www.marilar.org/

Destinatarios: alumnado de 3º ciclo (5º e 6º) de Primaria.

Data e hora: martes 12 de novembro entre as 10:30h e as 11:30h.

OUTROS RECURSOS:RECURSOS PÁX. WEB