TAREFA FINAL 6º PRIMARIA (SEMANA DO 15 AO 19 DE XUÑO)

QUERIDOS ALUMNOS/AS: 

Chegamos a fin de Curso cada un/unha de nós nas súas casas. 

Non podeimos xuntarnos para a Festa Fin de Curso e a merendola, tampouco fixemos a Excursión... 
Preparei un Power Point con fotos que recollen o voso paso polo colexio.
 Xa vos avisarei, en setembro, sobre a forma de facérvolo chegar. Se todo fose ben, algunha despedida fariamos nese momento.

Pero hai que ver o positivo dentro do negativo: Seguimos todos e todas en contacto, aínda que sexa virtual, estamos ben nós e a familia (que outras persoas non poden dicir o mesmo) e  en setembro iremos a unha "nova normalidade" con mascarillas, pero todos xuntos en contacto no Instituto. Esta experiencia seguro que nos fai máis fortes e aprendemos a valorar as cousas positivas que temos que, ás veces, nin apreciamos.

Vós estivestes mandando fotos. 

Agora  tócame a min.

Na primeira, hai un coelliño que logra sobrevivir nunha praza de Vigo, nun pequeno parque, rodeado de cans que levan os seus donos a pasear.

Moita sorte coelliño...

 Na segunta foto, aparezo eu cun novo membro da familia. 

Sempre hai motivo para a esperanza...

Despois deste sermón que vos botei, quero que fagades unha última tarefa:

Unha redacción, en galego ou castelán, como prefirades, sobre este curso. Lembrádevos: unha breve introdución; nun 2º parágrafo, o que máis vos gustou; nun 3º parágrafo, o que menos vos gustou, pero explicando os motivos; nun 4º, contádeme que opinión tendes de min (que vos gustaba de min e o que non; así podo aprender para o próximo curso); e, finalmente, unha conclusión, coas vosas valoracións persoais.

Súbo para a semana, o luns, os traballos ben feitos. E, para a semana, tamén subo materia e exercicios por se queredes repasar no verán.

AS NOTAS PUBLICARANSE, POLO ABALAR, O VENRES, 19 DE XUÑO.
ATENTOS AO VÍDEO QUE SUBO A CONTINUACIÓN, NA ENTRADA DE CINE GALEGO: IGNACIO VILAR. ACOMPAÑO DO PROXECTO FEITO ENTRE TODOS/AS.