RECORDATORIO TITORA -SOCIAIS 6º: SOLUCIÓNS E TAREFAS (DO 27 DE ABRIL AO DE 1 MAIO)

Antes de nada invítovos a que vexades o vídeo que fixemos entre todos os profes. Está na Páxina Web do cole. Atoparédesme facilmente e miraredes a foto de arriba onde saídes. Para que vexades que non me olvido de vós.

Ademais, desexo que a vosa primeira saída, logo de tanto tempo na casa, fose entretida e vos fixera felices. Xa queda menos!

Recórdovos que me mandedes unha mensaxe ao Correo Abalar para dicir se rematastes a tarefa anterior; faltan bastantes nenos/as por escribirme. Lembrade que tendes que mandar a foto do traballo da II República, non as teño todas. Tamén tende en conta  as solucións das tarefas que incorporo, polo que tendes que fixarvos e corrixir ben.

Mirade no Blog todas as entradas desta semana, unha por materia, que tamén estarán enlazadas na Páxina Web, pinchando enriba da Carpeta de 6º. E tamén na Web do cole, cada semana, haberá un reto  que podedes intentar cumprir.

TRABALLO SOCIAIS

1.- Incorporo o  Traballo de un de vós sobre a II República para que corrixades, pero as contestacións poden ser máis amplas.
 Non me é posible subilos todos, pero eu toma nota de quen o enviou, corríxoos e arquívoos.

2.- TAREFAS PARA ESTA SEMANA: 
* Iniciamos o Tema 5.
Lemos con atención e buscamos máis información para facer un Traballo de Investigación. 


 Este traballo facémolo na libreta, copiando as preguntas unha a unha, respondendo e poñéndo de Título:

* A GUERRA DE INDEPENDENCIA

1.- Quen rei reinaba en España antes da Guerra de Independencia?
2.- Quen era o seu "valido"?
3.- Que é un "valido"?
4.-Cando empezou a Guerra da Independencia? 
  5.-Quen invadiu España?
6.- A quen puxeron de rei?
7.- Quen foron os primeiros en  rebelarse e en que data?
8.- Que outros 2 países, ademais de España, loitaron contra os franceses?
9.- De que forma venceron os españois aos franceses?
10.- Cando rematou a Guerra de Independencia?
11.- Que outros países invadiu Napoleón? 
12.- A Constitución de 1.812 elaborouse en Cádiz durante a Guerra. Cita tres aspectos que recollese esta Constitución. 
13.- Cada 28 de marzo celébrase "A Reconquista de Vigo" nesta cidade. Que feitos ocurriron para que aínda hoxe se conmemore esta data?


TENDES QUE MANDAR UNHA FOTO DO TRABALLO.